ᐱᓕᕆᖃᑎᒋᔭᕗᑦ
ᓄᓇᒦᖕᖔᕐᑐᓕᒃ ᑮᓇᐅᔭᓕᐅᒍᑎᖃᕋᓱᐊᕐᓃᑦ ᑲᓇᑕᒥ (NRCan)ᒐᕙᒪᑐᖃᒃᑯᑦ ᐊᓪᓚᕕᕆᔭᐅᒃ ᖃᐅᔨᒪᔮᕕᖃᕐᓱᓂ ᐊᕙᑎᑦᑎᓂ ᐱᕙᓪᓕᐊᓂᕐᒥᒃ ᑲᓚᑦᓯᐊᕈᓐᓇᓂᕐᒥ ᐊᑐᐃᓂᒥᓪᓗ ᓄᓇᒦᖕᖔᕐᑐᓂᒃ, ᐊᐅᓚᔪᓐᓇᐅᑎᓂᒃ, ᐅᔭᕋᕐᓂᒃ, ᑭᑭᐊᓐᓂᓗ, ᕿᔪᖕᓂᓗ ᓄᓇᒥᓪᓗ ᓱᑯᐃᔭᐃᓂᕐᓂᒃ. ᓄᓇᒦᖕᖓᕐᑐᓂᒃ ᑮᓇᐅᔭᓕᐅᒍᑎᖃᕋᓱᐊᕐᓃᑦ ᑲᓇᑕᒥ, ᑲᒪᒋᔭᖃᓲᖑᕗᒍᑦ ᓄᓇᒦᖕᖔᕐᑐᓂᒃ ᑮᓇᐅᔭᓕᐅᒐᓱᐊᕐᓂᒨᓕᖓᔪᓂᒃ ᑲᓇᑕᒥᐅᓄᑦ ᐱᒻᒪᕆᐅᔪᓂᒃ. ᑕᒪᒃᑯᓂᖓ ᑕᑯᓐᓇᑕᖃᕐᑐᒍᑦ ᑲᓇᑕᓂᒫᕐᑎᒍᑦ ᓯᓚᕐᔪᐊᒥᐅᓕᒫᕐᑎᒍᓪᓗ ᑕᑯᒃᓴᐅᓂᖓᑕ ᐃᓱᒪᒋᔭᐅᔫᑉ, ᖃᐅᔨᒪᓕᖃᕐᓂᑎᑦᓂᒃ ᐊᑐᕐᓱᑕ ᓱᑯᐃᔭᐃᓂᒃᑐᑦ ᐱᓪᓗᑯᒋᐊᓕᓕᕆᓂᒃᑯᓗ, ᒪᓕᒐᕐᓂ ᐱᓇᓱᐊᕋᑦᓴᓂᓪᓗ. ᐊᐅᓚᑦᓯᓂᕗᑦ ᐅᓪᓗᒥ ᓄᓇᑦᑎᓐᓂᒃ ᑮᓇᐅᔭᓕᐅᒐᓱᐊᕈᑎᑦᑎᓂᓪᓗ ᓱᕐᖁᐃᑎᑦᓯᓚᖓᕗᑦ ᑲᓇᑕᒥᐅᑉ ᐃᓅᑦᔪᑎᖏᓐᓂᒃ ᐅᓪᓗᒥᓗ ᓯᕗᓂᕐᒥᓗ.
ᐃᓄᓕᕆᔨᑐᖃᐃᑦ ᑲᓇᑕᒥ (INAC)ᒐᕙᒪᑐᖃᒃᑯᓂ ᐊᓪᓚᕕᖓ ᐊᖏᓂᕐᐸᐅᕗᖅ ᓄᓇᕘᒻᒥ ᓄᓇᐅᓪᓗ ᐊᒡᒍᑐᕐᓯᒪᓂᐊᑎᑐᑦ ᑲᓚᒋᔭᖃᕐᑑᓱᓂ ᐆᑦᑑᑎᒋᓗᒍ ᐊᐅᓚᑦᓯᓂᖅ ᓄᓇᓂᒃ, ᐃᒪᕐᒥᒃ, ᐅᔭᕋᕐᓂᓗ. ᐃᓄᓕᕆᔨᑐᖃᐃᑦ ᑲᓇᑕᒥ ᐅᓘᓐᓈᒍᑦ ᑎᓕᔭᐅᒪᒍᑎᖃᕐᐳᑦ ᓄᓇᒥ. ᑖᓐᓇ ᐃᒪᖃᕐᑐᖅ ᓇᒻᒥᓂᖅ ᐆᒪᒐᓱᐊᕈᓐᓇᐸᓪᓕᐊᓂᕐᒥ, ᑮᓇᐅᔭᓕᐅᒐᓱᐊᕐᓂᒥ ᐊᐅᓚᑦᓯᓂᕐᒥᒃ ᓄᓇᒥ, ᑲᑎᒪᓪᓗᕕᒋᐊᖃᕐᓂᓂᓪᓗ ᓄᓇᕘᑉ ᓄᓇᓂᒃ ᐱᖃᕐᓂᐅᑉ ᐊᖏᖃᑎᒌᕈᑎᖏᓐᓂ.
ᓄᓇᓅᑉ ᒐᕙᒪᖓ ᓄᓇᖓᓂᒃ ᓄᓇᕘᑉ ᒐᕙᒪᐅᕗᖅ ᐱᖕᖑᑎᑕᐅᓯᒪᑦᓱᓂᓗ ᓄᓇᕘᑉ ᓄᓇᓂᒃ ᐱᖃᕐᓂᐅᑉ ᐊᖏᖃᑎᒌᕈᑎᖏᓐᓄᑦ. ᓄᓇᕘᑉ ᒐᕙᒪᖓ ᖁᓕᓂᒃ ᐊᓪᓚᕕᖃᕐᐳᖅ ᐃᓚᖃᕐᑐᓂᒃ ᐅᑯᓂᖓ: ᓄᓇᓂᒻᒥ ᒐᕙᒪᑎᒍᓪᓗ ᐱᒍᑦᓯᓂᕐᓂᒃ, ᐃᖃᐅᓯᑐᖃᓂᕆᖅ, ᐃᓄᒻᒪᕇᑦ ᐅᕕᒃᑲᐃᓪᓗ, ᐃᓕᓐᓂᐊᓂᓕᕆᓂᖅ, ᐳᕐᑐᓂᕐᓴᐃᑦ ᒐᕙᓚᓕᒫᓕᕆᓃᓪᓗ, ᑮᓇᐅᔭᓕᕆᓂᖅ, ᐱᓇᓱᑦᑎᓕᕆᓂᖅ, ᐃᓗᓯᓕᕆᓃᑦ ᐃᓗᓕᕆᕖᓪᓗ, ᐱᖁᔭᓕᕆᕕᒃ, ᐊᕙᑎᓕᕆᓂᖅ, ᐊᒻᒪᓗ ᓵᒻᒥᓂᖅ ᐆᒪᒐᓱᐊᕈᓐᓇᐸᓪᓕᐊᓂᕐᒥ ᐊᐅᓚᒍᑎᓕᕆᓂᕐᒥᓗ. ᑖᑯᐊ ᐊᓪᓚᕖᑦ ᐊᒥᓱᐊᓗᓐᓂᒃ ᐱᒍᑦᔨᕕᖃᕐᑐᑦ ᐋᕿᑕᐅᒪᔪᓂᒃ ᑭᖕᒎᒪᒋᓗᐊᖕᖑᐊᑕᖏᓐᓄᑦ ᐃᒻᒪᖄ 29,500 ᐃᓄᓐᓄᑦ.
ᓄᓇᕗᑦ ᑐᖕᖓᕕᒃ (NTI) ᐱᒋᐊᕐᑎᑕᐅᓯᒪᔪᖅ ᓇᒻᒥᓂᕆᔭᐅᑦᓱᓂ 1993-ᖑᑎᓪᓗᒍ, ᓱᕐᖁᐃᑎᑦᓯᒐᓱᐊᕐᑎᐅᓂᒃᒧᑦ ᓂᐊᕐᓂᕋᕐᑕᐅᓯᒪᔪᑦ ᓄᓇᕘᒻᒥ ᓄᓇᓂᒃ ᐱᖃᕐᓂᒧᒃ ᐊᖏᖃᑎᒌᕈᑎᓄᑦ. ᐊᖏᖃᑎᒌᕋᓱᐊᕐᓃᑦ ᓄᓇᓂᒃ ᐱᑖᕋᓱᐊᕐᓂᓗᒃ ᐊᖏᖃᑎᒌᓐᓂᒥ ᓄᐃᑦᓯᑎᑦᓯᓂᖏᓐᓅᓕᖓᕗᑦ ᑐᕌᒐᑯᐊᕐᑕᐃᑦ ᑐᑭᓯᓇᕐᑎᓯᒃᓱᓂᓗ ᐱᔪᓐᓇᓂᖃᕐᑎᓯᓂᖏᓐᓂᒃ ᐱᓕᓐᓂᒃ ᐊᑐᕐᓂᖏᓐᓂᓗ ᓄᓇᓕᒃ ᑮᓇᐅᔭᓕᐅᒐᓱᐊᕈᑎᖏᓐᓂᓗ, ᐊᒻᒪᓗ ᐃᓄᐃᑦ ᐱᔪᓐᓇᓂᖃᕐᓂᖏᓐᓂᒃ ᑐᑭᑖᖃᑕᐅᒐᓱᐊᕐᓂᓄᑦ ᐊᑐᕐᑕᐅᓂᖏᓐᓅᓕᖓᔪᓂᒃ, ᐊᐅᓚᑕᐅᓂᖏᓐᓄᓗ, ᓱᒃᑯᑎᕐᑕᐅᑕᐃᓕᑎᑦᓯᓂᕐᒧᓗ ᓄᓇᒥ, ᐃᒪᕐᒥᒃ ᑮᓇᐅᔭᓕᐅᒐᓱᐊᕈᑎᓂᓪᓗ, ᐃᓚᐅᑎᓪᓗᒋᑦ ᓄᓇᒦᑦᑐᑦ.