ᐱᓕᕆᖃᑎᒋᔭᕗᑦ
ᓄᓇᒦᖕᖔᕐᑐᓕᒃ ᑮᓇᐅᔭᓕᐅᒍᑎᖃᕋᓱᐊᕐᓃᑦ ᑲᓇᑕᒥ(NRCan) ᒐᕙᒪᑐᖃᒃᑯᑦ ᐊᓪᓚᕕᕆᔭᐅᒃ ᖃᐅᔨᒪᔮᕕᖃᕐᓱᓂ ᐊᕙᑎᑦᑎᓂ ᐱᕙᓪᓕᐊᓂᕐᒥᒃ ᑲᓚᑦᓯᐊᕈᓐᓇᓂᕐᒥ ᐊᑐᐃᓂᒥᓪᓗ ᓄᓇᒦᖕᖔᕐᑐᓂᒃ, ᐊᐅᓚᔪᓐᓇᐅᑎᓂᒃ, ᐅᔭᕋᕐᓂᒃ, ᑭᑭᐊᓐᓂᓗ, ᕿᔪᖕᓂᓗ ᓄᓇᒥᓪᓗ ᓱᑯᐃᔭᐃᓂᕐᓂᒃ. ᓄᓇᒦᖕᖓᕐᑐᓂᒃ ᑮᓇᐅᔭᓕᐅᒍᑎᖃᕋᓱᐊᕐᓃᑦ ᑲᓇᑕᒥ, ᑲᒪᒋᔭᖃᓲᖑᕗᒍᑦ ᓄᓇᒦᖕᖔᕐᑐᓂᒃ ᑮᓇᐅᔭᓕᐅᒐᓱᐊᕐᓂᒨᓕᖓᔪᓂᒃ ᑲᓇᑕᒥᐅᓄᑦ ᐱᒻᒪᕆᐅᔪᓂᒃ. ᑕᒪᒃᑯᓂᖓ ᑕᑯᓐᓇᑕᖃᕐᑐᒍᑦ ᑲᓇᑕᓂᒫᕐᑎᒍᑦ ᓯᓚᕐᔪᐊᒥᐅᓕᒫᕐᑎᒍᓪᓗ ᑕᑯᒃᓴᐅᓂᖓᑕ ᐃᓱᒪᒋᔭᐅᔫᑉ, ᖃᐅᔨᒪᓕᖃᕐᓂᑎᑦᓂᒃ ᐊᑐᕐᓱᑕ ᓱᑯᐃᔭᐃᓂᒃᑐᑦ ᐱᓪᓗᑯᒋᐊᓕᓕᕆᓂᒃᑯᓗ, ᒪᓕᒐᕐᓂ ᐱᓇᓱᐊᕋᑦᓴᓂᓪᓗ. ᐊᐅᓚᑦᓯᓂᕗᑦ ᐅᓪᓗᒥ ᓄᓇᑦᑎᓐᓂᒃ ᑮᓇᐅᔭᓕᐅᒐᓱᐊᕈᑎᑦᑎᓂᓪᓗ ᓱᕐᖁᐃᑎᑦᓯᓚᖓᕗᑦ ᑲᓇᑕᒥᐅᑉ ᐃᓅᑦᔪᑎᖏᓐᓂᒃ ᐅᓪᓗᒥᓗ ᓯᕗᓂᕐᒥᓗ.
ᑲᓇᑕᒥ ᐃᓄᓕᕆᔨᑐᖃᒃᑯᑦ ᐊᒥᓱᓂᒃ ᐊᔾᔨᒌᓐᖏᑦᑐᓂᒃ ᐱᔭᒃᓴᖅᑖᖅᑎᑕᐅᓯᒪᕗᑦ ᓄᓇᕗᒻᒥ, ᐃᓚᓕᐅᖢᒍ ᐊᐅᓚᑦᓯᓂᖅ ᓄᓇᒥᒃ, ᐃᒪᕐᒥᒃ ᐊᒪᓗ ᓄᓇᒥᓐᖔᖅᑐᓂᒃ ᑯᐃᓐ ᓄᓇᖁᑎᖏᓐᓂ. ᑲᓇᑕᒥ ᐃᓄᓕᕆᔨᑐᖃᒃᑯᑦ ᐃᑲᔪᖅᓱᐃᖃᑦᑕᕆᕗᑦ ᐃᓄᐃᑦ ᐱᔪᒥᒃᓱᒃᑕᖏᓐᓂᒃ ᐱᕙᓪᓕᐊᑎᑦᑎᔪᓐᓇᖅᓯᓂᐊᕐᒪᑕ ᑲᔪᓯᑦᑎᐊᖅᑐᓂᒃ ᐊᔾᔨᒌᓐᖏᑦᑐᓂᒡᓗ ᑮᓇᐅᔭᓕᐅᕈᑕᐅᔪᓐᓇᖅᑐᓂᒃ, ᐱᓕᕆᐊᓐᖑᖅᑎᑕᐅᓯᒪᔪᓂᒡᓗ ᓴᖅᑭᑦᑎᖃᑦᑕᖅᖢᑎᒃ ᐃᓄᐃᑦ ᐱᕙᓪᓕᐊᑎᑦᑐᒪᔭᖏᓐᓄᑦ ᐃᑲᔪᖅᓲᑎᓂᒃ ᓄᓇᕗᑦ ᐃᓗᐊᓂ, ᐊᒻᒪᓗ ᐊᑐᓕᖅᑎᑦᑎᕙᓪᓕᐊᓂᕐᒥᒃ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑎᓂᒃ. ᑲᓇᑕᒥ ᐃᓄᓕᕆᔨᑐᖃᒃᑯᑦ ᐱᓕᕆᐊᓪᓗᐊᑕᕆᖃᓯᐅᑎᖕᒥᔭᖓᑦ ᓄᓇᕗᒻᒥ ᐊᐅᓚᑦᓯᓂᖅ ᐊᒻᒪᓗ ᓴᓗᒻᒪᖅᓴᐃᓂᖅ ᓄᓇᓂᒃ ᓱᕈᖅᓯᒪᔪᓂᒃ ᐱᔭᒃᓴᖅᑖᖅᑎᑕᐅᓯᒪᓂᖏᑦᑕ ᐃᓗᐊᓃᖃᑕᐅᔪᓂᒃ..
ᓄᓇᓅᑉ ᒐᕙᒪᖓ ᓄᓇᖓᓂᒃ ᓄᓇᕘᑉ ᒐᕙᒪᐅᕗᖅ ᐱᖕᖑᑎᑕᐅᓯᒪᑦᓱᓂᓗ ᓄᓇᕘᑉ ᓄᓇᓂᒃ ᐱᖃᕐᓂᐅᑉ ᐊᖏᖃᑎᒌᕈᑎᖏᓐᓄᑦ. ᓄᓇᕘᑉ ᒐᕙᒪᖓ ᖁᓕᓂᒃ ᐊᓪᓚᕕᖃᕐᐳᖅ ᐃᓚᖃᕐᑐᓂᒃ ᐅᑯᓂᖓ: ᓄᓇᓂᒻᒥ ᒐᕙᒪᑎᒍᓪᓗ ᐱᒍᑦᓯᓂᕐᓂᒃ, ᐃᖃᐅᓯᑐᖃᓂᕆᖅ, ᐃᓄᒻᒪᕇᑦ ᐅᕕᒃᑲᐃᓪᓗ, ᐃᓕᓐᓂᐊᓂᓕᕆᓂᖅ, ᐳᕐᑐᓂᕐᓴᐃᑦ ᒐᕙᓚᓕᒫᓕᕆᓃᓪᓗ, ᑮᓇᐅᔭᓕᕆᓂᖅ, ᐱᓇᓱᑦᑎᓕᕆᓂᖅ, ᐃᓗᓯᓕᕆᓃᑦ ᐃᓗᓕᕆᕖᓪᓗ, ᐱᖁᔭᓕᕆᕕᒃ, ᐊᕙᑎᓕᕆᓂᖅ, ᐊᒻᒪᓗ ᓵᒻᒥᓂᖅ ᐆᒪᒐᓱᐊᕈᓐᓇᐸᓪᓕᐊᓂᕐᒥ ᐊᐅᓚᒍᑎᓕᕆᓂᕐᒥᓗ. ᑖᑯᐊ ᐊᓪᓚᕖᑦ ᐊᒥᓱᐊᓗᓐᓂᒃ ᐱᒍᑦᔨᕕᖃᕐᑐᑦ ᐋᕿᑕᐅᒪᔪᓂᒃ ᑭᖕᒎᒪᒋᓗᐊᖕᖑᐊᑕᖏᓐᓄᑦ ᐃᒻᒪᖄ 29,500 ᐃᓄᓐᓄᑦ.
|
