ᐱᓕᕆᐊᒃᓴᕆᔭᐅᔪᑦ

ᑲᓇᑕᐅᑉ-ᓄᓇᕘᓪᓗ ᐅᔭᖅᑲᓂᒃ ᖃᐅᔨᓴᖅᑎᖏᑦ (C-NGO) ᐃᑲᔪᖃᑎᒌᕈᑕᐅᕗᖅ ᓄᓇᒥᒃ ᐱᓯᒪᔪᓂᒃ ᐱᕕᑦᓴᑖᕐᕕᑯᓐᓄᑦ (ᑐᓂᕐᑕᓂᐊᑎᑯᑦ ᑲᓇᑕᒥ, ᓄᓇᒥᒃ ᓱᑯᐃᔭᐃᓃᑦ ᐊᕕᑦᑐᓯᒪᓂᖓ), ᐃᓄᓕᕆᔨᑐᖃᒃᑯᑦ ᐊᓪᓚᕕᖓ ᐅᑭᐅᕐᑕᑐᒥᐅᓪᓗ ᐱᕈᕐᐸᓕᐊᓂᖓ ᓄᓇᕘᓪᓗ ᒐᕙᒪᖓᑕ ᐊᓪᓚᕕᖓ ᓇᒻᒥᓂᖅ ᐆᒪᒐᓱᐊᕐᓂᒥ ᐱᕙᓪᓕᐊᓂᖅ ᐊᐅᓚᒍᑎᖏᓐᓂᓗ.

ᑎᓕᔭᐅᓯᒪᔾᔪᑎᖓᑦ ᑲᓇᑕᐅᑉ ᓄᓇᕘᓪᓗ ᐅᔭᖅᑲᓂᒃ ᖃᐅᔨᓴᖅᑎᖏᑦ (C-NGO) ᐊᑐᐃᓐᓇᐅᑎᑦᑎᓗᑎᒃ ᓄᓇᙳᐊᓄᑦ ᑐᓴᒐᒃᓴᐅᔪᓂᒃ ᐊᒻᒪ ᖃᐅᔨᒪᔨᑕᕆᔭᐅᓗᑎᒃ ᓄᓇᕗᒻᒥ ᐃᑲᔪᖃᑦᑕᕐᓂᐊᕐᒪᑕ ᑲᒪᔪᓂᒃ ᕿᓂᕋᓱᐊᕐᓂᕐᒧᑦ ᐅᔭᕋᒃᓴᓂᒃ ᐊᒻᒪ ᐱᕙᓪᓕᐊᑎᑦᑎᓂᕐᒥᒃ ᐅᔭᕋᖕᓂᐊᕐᓂᕐᒧᑦ ᐊᒻᒪ ᐆᒻᒪᖅᑯᑎᒃᓴᖅᓯᐅᕐᓂᒧᑦ, ᓄᓇᙳᐊᓕᕆᓂᕐᒧᑦ ᐃᓕᓐᓂᐊᖅᑎᑦᑎᓂᖅ, ᐱᓕᒻᒪᒃᓴᐃᓂᕐᒧᑦ, ᐊᒻᒪ ᐊᔪᕈᓐᓃᖅᓴᐃᓂᕐᒧᑦ ᐱᓕᕆᐊᖃᖅᑐᑦ.

2007-ᖑᑎᓪᓗᒍ, ᑖᒃᑯᐊ ᑲᓇᑕᐅᑉ ᓄᓇᕘᓪᓗ ᐅᔭᖅᑲᓂᒃ ᖃᐅᔨᓴᖅᑎᖏᑦ (C-NGO) ᐃᓚᐅᑎᑕᐅᓂᐊᖅᑐᑦ ᓄᓇᒥ ᓄᓇᙳᐊᓕᐅᕐᓂᕐᒧᑦ ᐱᓕᕆᐊᓄᑦ, ᐊᒡᒍᖅᑐᖅᓯᒪᓂᖅᑎᒍᑦ ᓄᓇᓂᒃ ᓄᓇᙳᐊᒧᐊᖅᑎᕆᓂᕐᒧᑦ ᑭᙳᒻᒥᒐᐃᓂᐊᖅᑐᑦ, ᐅᖅᑰᓯᕙᓪᓕᐊᓂᖓᓂᒃ ᐊᒻᒪ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓂᒃ ᖃᐅᔨᓴᐃᓗᑎᒃ, ᐃᒪᐃᑦᑐᖃᖅᑎᑦᑎᖁᓪᓗᒋᑦ ᖁᒻᒧᐊᒃᑎᑕᐅᓯᒪᔪᒃᑯᑦ ᓄᓇᙳᐊᓕᕆᓂᖅ, ᓄᓇᙳᐊᓕᐅᖅᑎ ᐊᒻᒪ ᐅᖓᓯᒃᑐᒥᑦ ᓄᓇᙳᐊᓄᑦ ᓇᓚᐅᑦᑖᕈᓐᓇᕐᓗᓂ, ᐊᒻᒪ ᐃᑲᔪᖃᑦᑕᕐᓗᓂ ᑭᓇᒃᑯᑐᐃᓐᓇᕐᓂᒃ ᐱᓕᕆᖃᑕᐅᑎᑦᑎᒐᓱᐊᕐᓗᑎᒃ ᐱᓕᕆᐊᖃᕐᓂᕐᒧᑦ.